Откако обезбеди пласман во плеј-офот на Суперлигата, тимот на Еурофарм Пелистер 2 во вториот дел на сезоната ќе биде посилен за нов десен бек. Нов член на битолскиот клуб е босанскиот интернационалец Павле Петровиќ, кој доаѓа од Локомотива од Брчко. Петровиќ има 21 година и подеднакво може да игра и како десно крило.
Цветан Кузманоски денес официјално беше претставен како нов член на Еурофарм Пелистер. Тој се обврза на верност во следните три и пол сезони и го доби дресот со број осум. Левото крило на македонската репрезентација своето деби го очекува во следниот период во натпреварите од СЕХА лигата, Лига Европа и Суперлигата.
Селекторот на Македонската сениорска репрезентација Кирил Лазаров го објави поширокиот список на ракометари за претстојните квалификациски натпревари со репрезентацијата на Данска.
Европската ракометна федерација (ЕХФ) го одложи натпреварот од деветтото коло на групата Д во Лига Европа помеѓу Еурофарм Пелистер и Рајн Некар Левен. Причината е неможноста германскиот клуб да допатува во Битола, а целосно да ги испочитува мерките за заштита во ковид-криза донесени од германската влада.
Продолжува сеирјата на контролни натпревари на Еурофарм Пелистер 2 пред почетокот на вториот дел од сезоната. Попладнево во Битола младиот тим на Александар Јовиќ минимално загуби од Струга со 22-23 (10-10). Одлучи последната минута и реализацијата на гостите, наспроти неуспешниот обид на домаќините.
РК Еурофарм Пелистер ја информира јавноста дека ракометарот Цветан Кузманоски е нов член на екипата. Тој доаѓа од Еурофарм Пелистер 2 и во следните три и пол сезони ќе го носи дресот на нашиот клуб. Кузманоски веќе се приклучи на тренинзите на Жељко Бабиќ и неговиот стручен штаб и ќе дебитира во вторник во Лига Европа против Рајн Некар Левен.
На ден 29.11.2019 во општина Битола беше потпишан договорот ,,ПЛАТФОРМА ЗА РАКОМЕТНА БИТОЛА’’, со што и официјално Битола го доби клубот РК Еурофарм Пелистер.
Договорот го потпишаа претставници на двата клуба и градоначалничката на Битола, Наташа Петровска во просториите на Општина Битола.
Еурофарм Пелистер ќе биде водечкиот клуб со високи европски амбиции, а Еурофарм Пелистер 2 клуб исполнет со млади ракометари и таленти од Битола и цела Македонија.
Април 14, 2024 by RK Eurofarm Pelister
Април 14, 2024 by RK Eurofarm Pelister
Април 09, 2024 by RK Eurofarm Pelister