Ракомет
Суперкуп на Македонија 2022/23
Вардар 1961 – Еурофарм Пелистер 22-23 (12-12)
Еурофарм Пелистер вечерва во Охрид го победи Вардар со 23-22 (12-12) и го одбрани трофејот во ракометниот Суперкуп. На дуелот одигран во „Билјанини извори“, битолчани беа поснаодливи во финишот и со серија од 3-0 во последните три минути стигнаа до победата. Вардар пропушти напад за израмнување, односно шутот на Филип Талески го одбрани голмнаот на „зелено-белите“ Марко Кизиќ. За Еурофарм Пелистер ова е втор трофеј во историјата на ова натпреварување.
Најефикасен во победничката екипа беше Усама Хосни со седум гола, во редовите на „црвено-црните“ се истакна Талески со 10 погодоци.
Спортска сала „Билјанини извори“ - Охрид
Гледачи: 2.000
Судии: Славе Николов и Ѓорѓи Начевски
Вардар 1961:
Ристовски, Томовски, Манасков 4, Стоилов 2, Моралес 2, Георгиевски 1, Добрковиќ, Карапалевски 2, Чувара, Лазаревски, Савревски, Талески 10, Ѓукиќ, Атанасовски, Ќосевски, Мишевски 1
Седмерци: /
Исклучувања: 6 минути
Еурофарм Пелистер:
Лесјак, Кизиќ, Ојлески, Кузманоски 3, Стоилевски, Радовиќ, Танкоски, Хосни 7, Костески, Дејвис 1, Кукоски, Васиљев 3, Суси 4, Пешевски 4, Сери 1, Пав. Атанасијевиќ
Седмерци: 3/1
Исклучувања: 10 минути
Веќе в среда пелистерци го играат заостанатиот натпревар од второто коло на групата Б на Суперлигата против Голден Арт.
