Ракомет - Суперлига 2022/23 – група Б -Трето коло
Еурофарм Пелистер 2 – Еурофарм Пелистер 28-28 (14-12)
Екипите на Еурофарм Пелистер и Еурофарм Пелистер 2 одиграа без победник, 28-28, во натпревар од третото коло од Суперлигата. Вториот тим на битолчани имаше и напад за победа, но составот на Еурофарм Пелистер се спаси од пораз и се избори за многу важен бод.
Скоро цело време водеше тимот на Александар Јовиќ. Во самиот финиш се влезе со +2 за помладите пелистерци. Следеше гол на Радовиќ и брзоплета грешка на Иваноски, па Васиљев на неколу секунди до крајот погоди за реми.
Петар Атанасијевиќ постигна седум, а Ивановски шест погодоци за младиот состав на „пелистерци“, додека во првата екипа на Еурофарм најефикасни беа Радовиќ со девет и Хосни со пет гола.
Спортска сала „Боро Чурлевски“ - Битола
Гледачи: 600
Судии: Димитар Митревски и Благојче Тодоровски
Еурофарм Пелистер 2:
Јовановски, Печурица, Јанковски, Ристевски, Кукуловски 1, Митревски, Димовски, Димитровски, Николовски, Талевски 2, Петровиќ 5, Пет. Атанасијевиќ 7, Ивановски 6, Белистојановски 1, Блажевски 3, Арсеновски 3
Седмерци: 1/0
Исклучувања: 10 минути
Еурофарм Пелистер:
Лесјак, Кизиќ, Ојлески 1, Кузманоски 1, Стоилевски, Радовиќ 9, Танкоски, Хосни 5, Костески 1, Вилсон 3, Кукоски, Ѓорговски, Васиљев 3, Суси 4, Пешевски 1, Пав. Атанасијевиќ
Седмерци: 3/1
Исклучувања: 6 минути
Следува слободен викенд за двете екипи, а натпреварите од четвртото коло следуваат за осум дена.
