Мисијата успешна, реализирана хуманата акција на Еурофарм Пелистер
- Детали
РК Еурофарм Пелистер како последна активност оваа година си ја зацрта најважната мисија. Хуманата акција на натпреварот против Вардар 1961 доби успешна реализација. Плишените мечиња и детските играчки кои нашите граѓани, симпатизери, навивачи ги даруваа дојдоа во вистинско раце. Нашите професионалци утрово ги даруваа во основното училиште со ресурсен центар ,,Кочо Рацин’’ од Битола.
Шест пелистерци на списокот на македонската репрезентација за Мундијалот
- Детали
Селекторот на машката ракометна репрезентација Кирил Лазаров го објави списокот на повикани ракометари за подготовките и настапот на Светското првенство во Хрватска, Данска и Норвешка. На списокот се повикани шест ракометари на Еурофарм Пелистер: Никола Митревски (капитен на репрезентацијата), Павле и Петар Атанасијевиќ, Филип Кузмановски, Жарко Пешевски и Ненад Костески. На резервната листа се Цветан Кузманоски, Самоил Ристевски и Емилијан Ѓорговски.
Костески блесна со десет гола, Еурофарм Пелистер убедливо го надигра Пролет
- Детали
Ракометарите на Еурофарм Пелистер триумфално ја завршија оваа календарска година, откако во последниот меч во декемвриската програма како гости го совладаа тимот на Пролет со 23-37. Битолчани одиграа квалитетен меч во кој целосно го контролираа резултатот, освојувајќи заслужени бодови со кои остануваат во трката за првото место во Суперлигата пред почетокот на плеј-офот.
Избраниците на Раул Алонсо беа предводени од Цветан Кузмановски, Павле Атанасијевиќ и Ненад Костевски, кои го завршија мечот со по шест, односно десет погодоци.
Пелистерци ја забележаа четиринаесеттата победа сезонава, додека Пролет останува на учинок од пет триумфи, четири нерешени средби и шест порази. За суперлигашите следува зимската пауза, а возбудувањата ќе продолжат на почетокот од февруари следната година.
Спектакл во Битола, Еурофарм Пелистер го надигра Вардар 1961
- Детали
Ракометарите на Еурофарм Пелистер го совладаа Вардар со 35-33 во дербито на колото во домашниот ракометен шампионат. Вечерва во Битола домашните на полувреме имаа големи +9, но во вториот дел целосно потфрлија, па Вардар во финишот се приближи и на еден гол разлика, но не успеа да направи целосен пресврт.
„Десет од десет“ за младите пелистерци, победен Металург РА со 22 разлика
- Детали
Ракометарите на Еурофарм Пелистер 2 во натпревар од 13. коло од прволигашката конкуренција дојдоа до убедлива победа над Металург РА со 41-19.
Најефикасни во победничката екипа беа Мирче Калајџиовски со осум и Стефан Дрогришки и Ненад Белистојаноски со по шест гола.
Симултанка на Белистојановски, Еурофарм Пелистер 2 ја освои Автокоманда
- Детали
Ракометарите на Еурофарм Пелистер 2 во натпревар од 12. коло од прволигашката конкуренција славеa во Автокоманда кај младиот Мулти Есенс со 22-31. Предводник кај Еурофарм Пелистер 2 беше младинскиот репрезентативец Ненад Белистојановски со 13 гола, а кај домаќините прво име беше Александар Стојков со девет гола.
За нас
На ден 29.11.2019 во општина Битола беше потпишан договорот ,,ПЛАТФОРМА ЗА РАКОМЕТНА БИТОЛА’’, со што и официјално Битола го доби клубот РК Еурофарм Пелистер.
Договорот го потпишаа претставници на двата клуба и градоначалничката на Битола, Наташа Петровска во просториите на Општина Битола.
Еурофарм Пелистер ќе биде водечкиот клуб со високи европски амбиции, а Еурофарм Пелистер 2 клуб исполнет со млади ракометари и таленти од Битола и цела Македонија.
Последни вести
-
Јануари 15, 2025 by RK Eurofarm Pelister
IN MEMORIAM: Почина поранешниот ракометар и тренер на Еурофарм Пелистер, Александар Јовиќ
-
Јануари 14, 2025 by RK Eurofarm Pelister
Лембанов: Добро ќе се подготвиме за пеколното темпо оваа пролет
-
Јануари 14, 2025 by RK Eurofarm Pelister
Еурофарм Пелистер спогодбено се раздели со Кајо Цикатиќ
