Нешто повеќе од две недели од последниот официјален натпревар во групата Б на Суперлигата и победата во Прилеп за заверка на плеј-офот, Еурофарм Пелистер 2 повторно е во тренажен процес. Со работен состанок и прв тренинг, предводникот Александар Јовиќ и неговиот стручен тим ја отворија ракометната 2021 година за најмладиот тим во разигрувањето.
„Нашата цел беше пласман во плеј-офот, иако бевме дел од Б групата, која беше далеку поквалитетна. Одигравме многу неизвесни натпревари, одевме по потешкиот пат и заслужено го обезбедивме плеј-офот.
Во овие играчи има уште квалитет. Во првиот дел не успеавме да го извадиме максимумот од него. Заедно со мојот тренерски тим ќе се погрижиме да го извадиме најдоброто од секого и тоа да го вклопиме во тимска целина, бидејќи само добар тим носи резултат“.
Екипата на Еурофарм Пелистер 2 секојдневно ќе тренира по една или две тренинг сесии во спортската сала „Јован Калаузи“ во Битола, а предвидени се 7-8 контролни натпревари до почетокот на официјалните натпревари во шампионатот и Купот.
