Големата Барселона за првпат доаѓа во Битола, а натпреварот е веќе распродаден. За очекувањата од овој дуел со новинарите раговараа тренерот Гарабаја и десниот бек Видомски.
Рубен Гарабаја
(тренер на Еурофарм Пелистер)
Барселона е една од најдобрите три екипи во светот. Секој натпревар против нив е посебен, затоа што имаат мнигу ѕвезди и многу добри ракометари. Мора да бидеме фокусирани на сите детали. Ракометниот има помош од фудбалскиот клуб, нивната структура е извонредна. Таму сите ракометари се фокусирани само на настапите. Секој тим против Барса максимално се бори, но само до одреден момент. При секое губење на концентрацијата, тие постигнуаат 3-4 брзи голови од контра напади, бидејќи имаат одлична одбрана и најдобар голман во светот.
Анџеј Видомски
(ракометар на Еурофарм Пелистер)
Првите минути ги одиграв против Охрид и атмосферата во салата беше извонредна. Во Плоцк дебитирав во Луигата на шампионите, но можеби не одиграв толку добро. Сепак, тоа беше само првиот чекор и верувам дека ќе биде подобро. Барса игра многу добро, во некои сегменти игра слично како Висла Плоцк. Знаеме како треба да играме и ќе се обидеме да го дадеме нашето најдобро издание. Сакам да ги повикам фановите, ни треба нивната помош.
Натпреварот меѓу првакот на Македонија и Шпанија се игра в среда од 20:45 часот, а ќе го водат Курсаид и Оздениз.
