Младиот тим на Еурофарм Пелистер 2 немаше илузии дека може да го изненади Охрид на гостински терен. Така момците на Бранислав Ангеловски го претрпеа најубедливиот пораз сезонава и загубија во „Билјанини извори“ со 35-19.
Домашниот тим уште во првото полувреме покажа дека е решен да ги освои бодовите. Охриѓани постигнаа дури 21 гол, додека гостите имаа големи проблеми во нападот и на паузата заминаа со само девет погодоци.
Во продолжението Охрид не го намали темпото, туку продолжи да ја зголемува предноста. Охрид целосно го контролираше натпреварот и на крајот стигна до убедлив триумф од 35-19.
Најефикасни во редовите на победничкиот тим беа Адама Кеита и Никола Зечевиќ со по шест погодоци. Кај Еурофарм Пелистер 2, Кристијан Симоновски исто така постигна шест гола.
Ракомет
Суперлига 2026/27
Осмо коло
Охрид - Еурофарм Пелистер 2 35-19 (21-9)
Спортска сала „Билјанини извори“ - Охрид
Гледачи: 300
Судии: Методија и Михајло Илиевски (Битола)
Охрид:
Славиќ, Блажески, Стрмљен. Ојлески 1, Јагуриновски 1, Јошида 5, Иванковиќ, Кеита 6, Карапелевски 1, Тасески 2, Савревски 1, Мате 5, Зечевиќ 6, Ивановски 2, Ѓукиќ 2, Ќосевски 3
Седмерци: 5/2
Исклучувања: 8 минути
Еурофарм Пелистер 2:
Трајков, Младенов, Димевски 1, Лозановски 1, Стојков, Митревски 2, Гутиќ 3, Шулевски 2, Илиески 1, Дамчевски 2, Симоновски 1, Славков, Крстевски, Дрогришки, Ѓорѓиевски, Симоновски 6
Седмерци: 4/2
Исклучувања: 12 минути
Во следното деветто коло Еурпфарм Пелистер 2 ќе го пречека тимот на Струга.
