Стручниот штаб и тренерот на машката кадетска репрезентација генерација 2006 година и помлади, Наум Танески, го објави списокот на повикани ракометари за претстојните пријателски натпревари со репрезентациите на Словенија и Австрија во рамки на ЕХФ неделата. Меѓу повиканите се и двајца ракометари на Еурофарм Пелистер 2, Иван Младенов и Марко Димовски.
Кадетската репрезентација на Македонија натпреварите ќе ги одигра во Словенија во градот Зрече. Дуелите на кадетската машка селекција се предвидени да се оддиграат на 10 мај против селекцијата на Словенија во 18:00 часот и на 11 мај против Австрија во 12:30 часот.
