Македонскиот шампион Еурофарм Пелистер го очекува нов предизвик во Лигата на шампионите. На денешната средба со новинарите кружниот напаѓач на Еурофарм Пелистер, Андреас Јохан Нилсен, истакна дека заедно со неговите колеги се свесни за силината на нивниот ривал од Данска.
Александар Јовиќ
(тренер на Еурофарм Пелистер)
Втор натпревар по ред играме против скандинавски ривал. Не треба да се трошат зборови за Алборг. Оваа екипа неодамна играше и финале на Лигата на шампионите, а сега се засилени со ракометари како Ландин и повратникот Хансен. Верувам дека ќе се издигнеме, ќе одиграме во рамките на нашите можности и достојно ќе го претставиме македонскиот ракомет.
Андреас Јохан Нилсен
(Еурофарм Пелистер)
Добро го познавам тимот на Алборг, играв со многу ракометари во нивната екипа, а со некои често бев и противник. Сите знаеме колку се силни и тоа го покажаа на натпреварот против Киелце. Загубија во Суперкупот на Данска од ГОГ Гудме, но тоа и не е толку важно натпреварување во Данска. Многу поважно е како реагираа потоа и наредија само победи во данското првенство и Лигата на шампионите.
Шпанците Марин Љоренте и Гарсија Серадиља ќе го водат дуелот на пелистерци против Ландин, Хансен и другарите, а
делегат ќе биде Сигурдсон од Исланд. Натпреварот меѓу Алборг и Еурофарм Пелистер се игра в среда на 20 септември од 20:45 часот во „Шпаркасен Арена“ во Алборг.
