Еурофарм Пелистер 2 – Тиквеш 25-30 (12-17)
И покрај силниот отпор, Еурофарм Пелистер 2 вторпат во плеј-офот загуби во натпревар со кавадаречки Тиквеш. Тиквеш против избраниците на Зарков и Димитровски почна доста добро. Предводен од разиграниот Никола Стефановиќ, гостинот од Кавадарци имаше поефикасен напад и уште на стартот на натпреварот се одлепи на 5-8. Еурофарм Пелистер 2 потоа константно бркаше негатива, а само еднаш успеа да дојде близу до ривалот, кога беше 10-11. Со нови три гола во низа, Тиквеш избега на 10-14, позитива која ја задржа и до паузата (12-17).
Предноста цело време беше на страната на Тиквеш, а прашањето околу победникот, практично, се реши на самото отворање на вториот дел кога Стефановиќ, Коцев и Симиќ врзаа четири гола во низа, за највисоки 12-21.
Ракомет
Суперлига 2022/23 – Плеј-оф
Еурофарм Пелистер 2 – Тиквеш 25-30 (12-17)
Спортска сала „Боро Чурлевски“ - Битола
Гледачи: 1.000
Судии: Димитар и Дејан Георгиевски
Еурофарм Пелистер 2:
Јовановски, Печурица, Ангелески, С. Ристевски 1, Митревски, М. Димовски 1, Димитровски 4, Талевски 3, П. Петровиќ 8, Ѓорговски 5, Ивановски 1, Буторац, Белистојановски 2, Х, Ристевски, Мијушковиќ, Блажевски
Седмерци: 6/3
Исклучувања: 6 минути
Тиквеш:
Брауновиќ, Стојановски 2, Анастасовски, Лазов, Постолов, Темелкоски 2, Велков, Соколов, Стефановиќ 9, М. Димовски, Окардов, Шулески, Коцев 5, Симиќ 5, Хамзиќ 5, Л. Петровиќ 2
Седмерци: 3/2
Исклучувања: 8 минути
Во следното 13. коло Еурофарм Пелистер 2 гостува кај Алкалоид.
