Ракомет – Суперлига (16. коло)
Еурофарм Пелистер 2 – Прилеп 34-26 (18-13)
Со уште една одлична партија и трета победа по ред, Еурофарм Пелистер 2 ја заврши првата полусезона во Суперлигата на четвртото место, со само еден бод помалку од третопласираниот Бутел Скопје. Пелагониското дерби од 16. коло мина во знакот на помладиот ривал. Момците на Јовиќ одиграа моќен крај на првото и почетокот на второто полувреме, кога предноста од подносливи 3-4 гола порасна на високи 7-8. Ѓорговски беше расположен, а свои моменти имаа и браќата Атанасијевиќ и искусниот голман Благојче Трајкоски.
Спортска сала „Боро Чурлевски“ - Битола
Гледачи: 500
Судии: Исмаил Металари и Ненад Николовски
Еурофарм Пелистер 2:
Б. Трајкоски, Јовановски, Кузманоски 1, Буторац 1, Пав. Атанасијевиќ 4, В. Димитровски 3, Петровиќ 3, Димитриоски 1, И. Димитровски, Талевски, Стоилевски 3, Пет. Атанасијевиќ 3, Ѓорговски 7, Белистојановски 4, Арсеновски 3, Блажевски 1
Седмерци: 1/0
Исклучувања: 10 минути
Прилеп:
Ѕинсадзе, Ангелески, Тренчевски 1, Дамчески, Бикоски 3, В. Трајкоски 4, Х. Павлов 3, Шокоски 4, Бурчески, Лозаноски 1, Чантурија 5, Милошески 3, С. Павлов, Христоски, Гавашелишвили 1, Андоноски 1
Седмерци: 7/4
Исклучувања: 4 минути
Првенството на Македонија продолжува во февруари 2022 година со преостанатите шест кола од регуларниот тек и плеј-офот и плеј-аутот.
