РК Еурофарм Пелистер ги известува јавноста и фановите дека билетите за натпреварот Еурофарм Пелистер - Еурофарм Пелистер 2 (четврток 17:-00 часот) ќе бидат бесплатни. Заради технички проблеми на платформата, билетите на првиот натпревар нема да се наплаќаат. Сите кои веќе се обиделе, добиле билети без наплата.
Сепак, процедурата на купување мора да се испочитува. Потребна е регистрација на веб страницата www.kartieurofarm.mk и со потврда за добиениот билет и потврда за вакцинален сертификат да ги подигнете од билетарницата на спортската сала до почетокот на натпреварот.
Можност за подигнување на билети имаат фановите со:
- вакцинален сертификат
- потврда за примена најмалку прва вакцина
- потврда за прележан ковид-19 во последните 45 дена, од денот на излегување од карантин
Вратите на спортската сала „Боро Чурлевски“ ќе бидат отворени на еден час пред почетокот на натпреварот и ги замолуваме присутните порано да дојдат на натпреварот и да ги заземат своите места најдоцна до 16:30 часот.
