Ракометарите на Еурофарм Пелистер заминаа на еднонеделни подготовки во Маврово. По петдневни подготовки во Битола, Жељко Бабиќ ја поведе комплетната екипа на базичниот дел од подготовките.
Предвидени се еднонеделни активности во познатата база во Маврово, каде пелистерци ќе ја билдаат формата за новата сезона. На 30 јули Еурофарм Пелистер ќе го одигра првиот контролен натпревар сезоната против Еурофарм Пелистер 2.
По враќањето во Битола и слободните денови, на почетокот од август следува третата фаза, во која битолчани ќе одиграат два контролни натпревари против Металург.
