Еурофарм Пелистер 2 го совлада тимот на Струга со високи 38-22 (15-15) во натпреварот од четвртото плеј-аут коло на Суперлигата. Младите пелистерци стигнаа до втората победа во доигрувањето, одново на домашен паркет.
Откако предност ја мина границата од +10 веќе немаше враќање, а гостите го „спуштија гардот“. Битолските ракометари само ја полнеа мрежата и на крајот стигна до највисоките „плус 16“ во 57 минута.
Со перфектни „осум од осум“ Ненад Белистојаноски ги водеше пелистерци до победата, а шест даде Баптист. Кај стружани седум реализации имаше Наум Костов.
Битолчани остануваат на второто место на табелата од плејаутот со 25 бода, еден помалку од Прилеп кој има и меч помалку. Во „мини лигата“ за опстанок веќе се е познато, односно најважното. Радовиш е речиси прволигаш, а Струга би требало да игра бараж со второпласираниот тим од Прва лига. До крајот на сезоната остануваат уште шест кола.
Ракомет
Суперлига 2025/26
Плеј-аут - четврто коло
Еурофарм Пелистер 2 - Струга 38-22 (15-15)
Спортска сала „Боро Чурлевски“ - Битола
Гледачи: 200
Судии: Методија и Михајло Илиевски (Битола)
Еурофарм Пелистер 2:
Јовановски 1, Младенов, Марковски 5, Лозановски 1, Даневски 1, Велевски, Митревски 5, Шулевски 2, Лазаревски, Дамчевски, Пецаковски, Славков, Белистојановски 8, Дрогришки 4, Мохамед Азис Бен Махфуд 5, Одфред Баптист 6
Седмерци: /
Исклучувања: 14 минути
Струга:
Тутенкоски, Стефановиќ, Мечкароски 1, Костов 7, Клењоски, Ферукоски 1, Шукрески, Пејоски, Симоноски 2, Димоски, Костоски 5, Савески 3, Талевски, Мајдоуб 3
Седмерци: 6/5
Исклучувања: 8 минути
Ова е трета победа во исто толку натпревари на младите пелистерци на Зарков против тимот од Струга.
