Бранителот на титулата Еурофарм Пелистер издвојува убедлив триумф над Прилеп од 22-35 во натпреварот од 22. коло во Суперлигата.
„Зелено-белите“ немаа никакви проблеми за да ја остварат целта на ова соочување и веќе по првото полувреме имаа предност од десет гола (18:8). Тука веќе беше јасно дека вториот дел е чиста рутина, формалност, период во кој Прилеп беше поконкурентен, ама далеку од тоа да му се закани на фаворитот.
Најдобар стрелец кај пелистерци беше Цветан Кузманоски со пет гола, а Филип Кузмановски додаде четири гола. Манасков, Тајник, Борзаш, Радивојевиќ, Костески и Атанасијевиќ, сите имаа по три гола. Кај Прилеп, Христи Бикоски и Томислав Квастек погодија по четири пати.
Ракомет
Суперлига 2024/25
22. коло
Прилеп - Еурофарм Пелистер 22-35 (8-18)
Спортска сала „Ристе Ристески - Ричко“ - Прилеп
Гледачи: 1.000
Судии: Сашо Кркачев и Ѓоко Колевски
Прилеп:
Христоски, Трајкоски 1, Кастратовиќ 2, Рајатовски 1, Адемчески 2, Бикоски 4, Крстески, Ивчески 1, Илиески 2, Органџиев 3, Бурчески, Цветаноски, Шабановиќ, Имндаѕе, Квастек 4, Шипинкоски 2
Седмерци: 4/3
Исклучувања: 4 минути
Еурофарм Пелистер:
Митревски 1, Брестовац 1, Манасков 3, Ристевски 2, Кузманоски 5, Тајник 3, Борзаш 3, Радивојевиќ 3, Кузмановски 4, Костески 3, Абутовиќ, Пешевски, Хосни 1, Хаџиќ 2, Пав. Атанасијевиќ 3, Мамдух 1
Седмерци: 3/2
Исклучувања: 6 минути
Еурофарм Пелистер како и Вардар 1961 имаат идентичен учинок од 20 победи и 2 порази.
