Еурофарм Пелистер беше на чекор до првата победа во Европската лига на ЕХФ, но избраниците на Лино Червар ја упропастија извонредната партија во завршницата и малку фалеше да останат со празни раце во дуелот со Вибржеже (31-31).
Македонскиот вицешампион водеше со три гола во последните неколку минути, меѓутоа исклучувањето на Павле Атансијевиќ влијаеше негативно врз тимот, па натпреварот во Гдањск влезе во драматична завршница. Домаќините успеаја да се вратат и благодрение на техничка грешка на Пелистер добија и напад за 31-31, а откако го направија тоа, малку фалеше да ја „украдат“ и победата.
Гдањск од нигде никаде доби напад за победа, но среќна околност е што истиот не заврши со реализација и натпреварот заврши со конечни 31-31. Момците на Червар фрлија во вода цели 56 минути поради лошиот финиш и грчот во кој западнаа, а најтешко ќе му биде на капитенот Филип Кузмановски кој имаше монструозно издание.
Кузмановски запиша 15 реализации на денешниот натпревар, но тоа на крајот се покажа како недоволно за победа. Нтанзи со седум беше одличен, а Хеидерирад собра десет интервенции. Кај Гдањск се истакна Томчек со осум погодоци.
Ракомет
Европска лига 2026/27
Г група
Вибржеже Гдањск - Еурофарм Пелистер 31-31 (16-17)
Спортска сала „ЕРГО Арена“ - Гдањск
Гледачи: 2.000
Судии: Михаела Чирута и Георгијана Мурариу (Романија)
Вибржаже Гдањск:
Позниак, Зебрчински, Томчак 8, Пеплински 5, Михалович 4, Спиепен 3, Морковски 3, Чаплински 3, Знавц 2, Гебала 2, Борвалдсон 1, Сиекирка, Чертович, Станеску, Родак, Беџиковски
Седмерци: 2/2
Исклучувања: 2 минути
Еурофарм Пелистер:
Митревски, Хеидарирад, Кузмановски 15, Нтанзи 7, Граховац 2, Пешевски 2, Серафимов 1, Калајџиевски 1, Пет. Атанасијевиќ 1, Хакбарт 1, Колаковиќ 1, Белистојаноски, Видомски, Ристевски, Кузманоски, Пав. Атанасијевиќ
Седмерци: 4/3
Исклучувања: 10 минути
Следната недела, во третото коло на Г групата на Европската лига, Еурофарм Пелистер гостува кај Гумерсбах.
