Еурофарм Пелистер ја оправда фаворитската улога и славеше над МРК Куманово со 36-23 (19-11) во дуелот од шестото коло во Суперлигата. Тимот што го предводи Лино Червар одигра колку што му беше потребно за да дојде до посакуваниот резултат и петтата победа во шампионатот со што во моментов е на првото место на табелата.
Еурофарм Пелистер во двете полувремиња даде по 18 голови со тоа што во првото му дозволи на противникот 11, а во второто 12 погодоци. Капитенот Кузмановски со 7 и Атанасијевиќ со 6 реализации беа најефикасни играчи во победничкиот табор, додека Костов со 8 беше прво име кај поразените
Ракомет
Суперлига 2026/27
Шесто коло
Еурофарм Пелистер - Куманово 36-23 (19-11)
Спортска сала „Боро Чурлевски“ - Битола
Гледачи: 500
Судии: Марија Илиева и Силвана Карбеска
Еурофарм Пелистер:
Митревски, Хеидарирад, Белистојановски 2, Видомски 2, Басанесе 1, Ристевски 3, Серафимов, Кузманоски 4, Граховац 2, Хенигман, Кузмановски 7, Пет, Атанасијевиќ 6, Хакбарт 5, Пав. Атанасијевиќ, Нтанзи, Татар 4
Седмерци: 8/6
Исклучувања: 0 минути
Куманово:
Г. Трајковски, Цавејски, Мечкароски, Димитров 1, Вујицевски 2, Костов 8, Цветковски, Новаковски, Стојановски 1, М. Трајковски 1, Омар Мамдух 5, Николовски, Гичев 5, Мохамед, Закарија Алу, Младеновиќ, Хамза Мамдух Ибрахим
Седмерци: 1/1
Исклучувања: 0 минути
Во следното коло Еурофарм Пелистер гостува кај Прилеп.
