Првакот Еурофарм Пелистер реагираше по домашниот пораз од Вардар 1961 и запиша убедлива победа во Бутел со 25-41. Дуелот во главниот град не донесе никаква резултатска неизвесност. „Зелено-белите“ уште во првото полувреме тргнаа фуриозно и немилосрдно го полнеа домашниот гол. Победникот беше решен во првото полувреме кое му припадна на битолскиот тим со четиринаесет разлика.
Хаџиќ беше најефикасен со седум, а Дејан Манасков постигна шест гола, додека кај Бутел, Михајловиќ заврши како прв стрелец со пет гола.
Ракомет
Суперлига 2025/26
Плеј-оф - четврто коло
Бутел Скопје - Еурофарм Пелистер 25-41 (9-23)
Спортска сала „Антон Димитров“ - Бутел, Скопје
Судии: Глигор и Спаско Каеви
Бутел Скопје:
Трсунов, Трајковски, Субашевски 3, Марковски, Тодевски, Георгиевски 1, Шилегов 2, Новаковски, Д. Узунчев 3, Киселовски 3, Каевски 2, Михајловиќ 5, Ристов, Т. Узунчев 3, Зенговски 2, Ѓурмешевиќ 1
Седмерци: 7/2
Исклучувања: 10 минути
Еурофарм Пелистер:
Хаидарирад, Брестовац, Манасков 6, Видомски 3, Ристевски 3, Хакберт 4, Граховац 2, Хенигман 2, Радивојевиќ 3, Кузмановски 3, Абутовиќ, Калајџиевски 2, Пет. Атанасијевиќ 4, Пешевски, Хаџиќ 7, Пав. Атанасијевиќ 2
Седмерци: 2/2
Исклучувања: 10 минути
Еурофарм Пелистер со оваа победа се доближи на четири бода негатива во однос на лидерот Вардар 1961 со натпревар повеќе. Во следното коло битолчани ќе го пречекаат Охрид.
