Еурофарм Пелистер 2 им се врати на победите во домашниот шампионат, откако по поразот од Вардар 1961 во претходното коло вечерва со 30-28 (19-15) го совлада составот на Куманово. За младите пелистерци ова беше еден од најважните дуели во трката за плеј-оф, но момците на Александар Зарков не потпаднаа под притисокот и одиграа уште една солидна партија, која што им донесе значајна победа. По израмнетото нешто повеќе од половина полувреме, во кое двете екипи имаа свои моменти и водството на своја страна, следуваше серија на „зелено-белите“. Во клучните моменти Еурофарм Пелистер 2 го подигна нивото на игра и тоа му донесе предност од четири гола на полувреме (19-15).
Само што почна второто полувреме Еурофарм Пелистер во шестата минута пак имаше предност од четири гола, а потоа Куманово се разигра. Секогаш кога домашните ќе се понадеваат дека се блиску да го скршат отпорот на гостите, тие возвраќаат со голови, па така во 52 минута Куманово намали на 26-25 внесувајќи повторно неизвесност. Дури и со играч помалку постiгнуваа голови, па Ончев намали на 27-26, а потоа израмни на 27-27.
Во последните клучни пет минути од средбата гостите имаа шанса да израмнат при резултат 29-28, но тој удар од крило го одбрани Мартин Јовановски. На неполни три минути пред крај, тренерот на Еурофарм Пелистер 2, Александар Зарко побара тајмаут и имаше напад, кој заврши под „пасивен напад“ но без погодок. Во контра Александар Стојков шутна над стативата, па повторно битолчани беа во напад. Петар Марковски се избори за пенал, а Бен Maхуд го претвори во погодок за 30-28. Ниту ударот на Димевски не стигна до голот, па остана малку време, и Еурофарм Пелистер ја прослави победата.
Мохамед Азиз натпреварот со Куманово го заврши со единаесет постигнати гола, а одличен беше и Шулевски со шест. На спротивната страна по шест погодоци впишаа Тоше Ончев и Бразилецот Густаво Гуедес.
Ракомет
Суперлига 2025/26
14. коло
Еурофарм Пелистер 2 - Куманово 30-28 (19-15)
Спортска сала „Боро Чурлевски“ - Битола
Гледачи: 500
Судии: Виктор Начевски и Даниело Божиновски
Еурофарм Пелистер 2:
Јовановски, М. Фехми, Младенов, Марковски 3, Гичев, Даневски 1, Митревски 2, Шулевски 6, Стефан Лазаревски, А. Фехми, Дамчевски, Димитровски 3, Славков, Дрогришки 1. Мохамед Азиз Бен Махмуд 11, Баптист 3
Седмерци: 5/3
Исклучувања: 10 минути
Куманово:
Мартинез, Трајковски, Михајловски 1, Димевски 3, Димитров, Вујичевски, Цветковски 4, Цековски 2, Стојановски, Радојичиќ 3, Гуедес 6, Стефан Лазаревски, Крстановски 1, Стојков 2, Ончев 6
Седмерци: 9/6
Исклучувања: 8 минути
Во следното 15. коло Еурофарм Пелистер 2 гостува кај Охрид.
1 attachment
