Еурофарм Пелистер без проблеми запиша победа над Радовиш во првенствениот меч од 20. коло во Суперлигата. И со комбиниран тим актуелниот шампион не виде мака со Радовиш кого го надигра со 39-24. Битолчани одиграа колку што им беше доволно против фенерџијата во шампионатот, средба во која двете полувремиња ги добија со 21-14 и 18-10.
Во елемент беше Дејан Манасков со десет постигнати голови, додека по пет реализации имаа Борзаш, Ристевски и Петровиќ. Во тимот на новиот тренер Игор Котевски се истакна Сантос со седум реализации.
Ракомет
Суперлига 2024/25
20. коло
Радовиш - Еурофарм Пелистер 24-39 (14-21)
Спортска сала „Боро Чурлевски“ - Битола
Гледачи: 800
Судии: Александар Вукашиновски и Мирко Трајковски
Радовиш:
Паунов 1, Костадиновски, Петров, Постолов 5, Трајчевски 3, Јанковски 2, Сантос 7, Стојановски 3, Илиев 2, Адамовиќ, Кочаров, Цветковски, Трајанов 1, Ончев, Атанасов, Костадинов
Седмерци: 7/5
Исклучувања: 6 минути
Еурофарм Пелистер:
Митревски, Ивиќ, Манасков 10, Ристевски 6, Тајник 1, Борзаш 5, Радивојевиќ, Кузманоски, Костески 5, Ѓорговски 4, Петровиќ 5, Пешевски 1, Хаџиќ 2, Пав. Атанасијевиќ
Седмерци: 3/3
Исклучувања: 4 минути
Во следното 21. коло Еурофарм Пелистер в сабота го пречекува тимот на Бутел Скопје во Битола.
