Ракометарите на Еурофарм Пелистер издвојуваа победа над ГРК Охрид од 25-27. во возбудлив дуел кој се одигра во салата „Билјанини извори“.
Домашниот тим му пружи силен отпор на актуелниот шампион и бранител на трофејот, меѓутоа нијансите, искуството и квалитетот беа на страна на гостите кои успеаа на крајот да дојдат до посакуваниот резултат.
Првото полувреме беа поефикасно и им припадна на пелистерци со +3. Вторите триесет минути донесоа огромна борба на двете страни на теренот, Охрид постојано беше присутен, се обидуваше комплетно да се врати во мечот, но избраниците на Раул Алонсо секогаш беа чекор, два пред нив, поточно немаа сили за пресврт.
Најефикасен во победничката екипа беше Усама Хосни со седум погодоци, кај Охрид се истакна Теимураз Орјоникидзе со шест реализации.
Ракомет
Суперлига 2024/25
18. коло
Охрид - Еурофарм Пелистер 25-27 (13-16)
Спортска сала „Билјанини извори“ - Охрид
Гледачи: 2.000
Судии: Сашо Кркачев и Ѓорѓи Колевски
Охрид:
Чаневски, Ѓоргески, Б. Ристевски, Ојлески 1, Матцуока 2, Јукиќ 4, Тасевски 4, Сафранко 2, Јотиќ 2, Кукоски, Крстевски, Пешиќ, Кукуловски, Орјоканидѕе 6, Винициус 3, Цирар 1
Седмерци: 10/7
Исклучувања: 10 минути
Еурофарм Пелистер:
Митревски 1, Ивиќ, С. Ристевски 1, Кузманоски, Тајник 5, Борзаш, Радивојевиќ 4, Кузмановски 5, Костески, Абутовиќ, Пет. Атанасијевиќ 1, Пешевски 3, Хоџиќ, Хосни 7, Пав. Атанасијевиќ, Мамдух
Седмерци: 5/4
Исклучувања: 8 минути
Во следното 19. коло на Суперлигата, Еурофарм Пелистер го пречекува Алкалоид.
