Селекторот на македонската ракометна репрезентација Кирил Лазаров денес го објави скратениот список на повикани ракометари за собир за претстојниот бараж натпревар против репрезентацијата на Фарски Острови за пласман на Светското првенство во јануари 2025 година.
На списокот на Лазаров се наоѓаат 20 играчи, а од Еурофарм Пелистер повикани се пет ракометари : Кизиќ, Кузманоски, Петар Атанасијевиќ, Кузмановски и Пешевски. Павле Атанасијевиќ се наоѓа на листата на резерви.
Голмани: Никола Митревски (капитен), Мартин Томовски и Марко Кизиќ
Леви крила: Цветан Кузмановски и Петар Атанасијевиќ
Десно крила: Никола Костески
Десни бекови: Томислав Јагуриновски, Мартин Велковски и Мартин Серафимов
Средни бекови: Марко Митев, Дамјан Митев и Иван Џонов
Леви Бекови: Филип Талески и Филип Кузмановски
Кружни напаѓачи: Жарко Пешевски, Милан Лазаревски, Марко Стојковиќ и Валентин Карасманакис
Дефанзивци: Никола Марковски и Михаил Аларов
Првиот натпревар од баражот ќе се игра на 8 мај на Фарски Острови, реваншот е закажан за 12 мај во во СЦ „Борис Трајковски“ во Скопје. Мундијалот ќе се одржи во Хрватска, Данска и Норвешка во период од 14 јануари до 2 февруари 2025 година.
