Младиот состав на Еурофарм Пелистер 2 демонстрираше силен отпор, но на крај загуби од единствената непоразена екипа во Суперлигата, Алкалоид од Скопје. Момците на Михаил Петровски постојано го ловеа водството на противникот и не успеаја да спуштат на под три разлика.
Мартин Серафимов со осум гола беше најефикасен, додека кај домаќините Митревски постигна седум гола.
Ракомет
Суперлига 2023/24
Група А
Десетто коло
Еурофарм Пелистер 2 – Алкалоид 31-36 (16-22)
Спортска сала „Боро Чурлевски“ – Битола
Гледачи: 1.000
Судии: Александар Вукашиновски и Мирко Трајковски
Еурофарм Пелистер 2:
Печурица, Штаковски, Младенов, П. Маркоски 3, Талевски 4, Ристевски 4, Мирчески, Митревски 7, Димовски, Трпчевски 4, Калајџиовски, Ивановски 1, Белистојановски 4, Југовски, Мијушковиќ, Хоџиќ 4
Седмерци: 4/3
Исклучувања: 10 минути
Алкалоид:
Ромеро, Галевски, Џонов 4, Н. Маркоски 1, Младеновиќ 2, Серафимов 8, Стојчевиќ, Стојковиќ 6, М. Митев, Ѓорѓиев 4, Велковски 1, Омерагиќ 1, Бинго 4, Петковски 2, Д. Митев, Савревски 3
Седмерци: 3/3
Исклучувања: 6 минути
Во следното 11. коло Еурофарм Пелистер 2 на домашен терен игра против третопласираната екипа во групата, Охрид на Стевче Алушевски. Од исходот на овој дуел и наредните против Струга и Аеродром ќе се знае дали младите пелистерци ќе играат во плеј-офот или плеј-аутот.
