Новиот проект на Еурофарм Пелистер започна со пораз од првакот Вардар 1961 во Скопје со 31-19. Екипата на Бранислав Ангеловски не можеше да парира против моќниот и засилен тим на Иван Чупиќ.
„Зелено-белите“ беа рамноправен ривал во раната фаза, меѓутоа како што одминуваше времето домаќините се „одлепуваа“, правеа разлика и на полувреме водеа со 18-9. И по одморот работите не се променија, избраниците на Чупиќ покажаа дека се поквалитетен состав и рутински го завршија мечот до крај.
Најефикасен во победничкиот табор беше Матео Фадуил со шест гола, а по 5 постигнаа Урош Митровиќ и Јуниор Тузолана. Кристијан Симоновски со четири погодоци беше најефикасен во тимот на Еурофарм Пелистер 2.
Ракомет
Суперлига 2026/27
Прво коло
Вардар 1961 - Еурофарм Пелистер 2 31-19 (18-9)
Спортска сала „Јане Сандански“ (мала сала) - Скопје
Гледачи: 100
Судии: Виктор Андонов и Глигор Каев
Вардар 1961:
Бомаштер, Гогов, Георгиевски 4, Поповски 3, Митровиќ 5, Нечовски 1, Љевар 1, Тулозана 5, Анастасовски 2, Абудалах 2, Малус, Ѓоршевски 1, Јанковски 1, Фадуил 6
Седмерци: 7/6
Исклучувања: 8 минути
Еурофарм Пелистер 2:
Трајков, Младенов, Димевски 3, Стојков, Митревски 1, Шулевски, Лазаревски 2, Илиески 2, Дамчевски 3, Георгиев 1, Ј. Симоновски, Славков, Крстевски, Дрогришки, Ѓорѓивски 3, К. Симоновски 4
Седмерци: 6/4
Исклучувања: 10 минути
