Селекторот на машката сениорска репрезентација, Данило Брестовац го објавува списокот на повикани ракометари за собир за претстојните квалификациски натпревари со репрезентациите на Финска и Швајцарија за ЕП 2022 што ќе се одржи во Унгарија и Словачка. На списокот се наоѓаат 19 ракометари, меѓу кои и шест ракометари на Еурофарм Пелистер: Костески, Маџовски, Кукоски, Велковски, Танкоски, Никола Маркоски.
Првиот квалификациски натпревар сениорите ќе го одиграат на 4 ноември против репрезентацијата на Финска. Вториот натпревар против селекцијата на Швајцарија ќе се одигра во градот Цуг, Швајцарија со почеток во 18:30 часот на 7 ноември.
