Битолски Еурофарм Пелистер од денес е побогат за уште еден ракометар. Нов член на клубот е босанскиот интернационалец Јосип Периќ, репрезентативец на својата земја и среден бек со искуство од Бундеслигата. 27-годишниот Периќ доаѓа во Битола од бундеслигашот Гепинген и потпиша двегодишен договор со македонскиот вицешампион.
Периќ е креативен среден бек, висок 180 сантиментри и зад себе има две сезони во најсилната европска лига. Новото засилување на битолчани е изданок на Извиѓач од Љубушки, во својата кариера го носеше дресот на Босна, Татабања, играше во Катар и Романија (Одорхеи и Дунареа), а Гепинген е последниот клуб пред доаѓањето во Македонија.
Периќ е стандарден репрезентативец на Босна и Херцеговина, запиша 39 настапи и постигна 45 гола. Тој е второ засилување на Еурофарм Пелистер оваа сезона, по Марио Танковски, кој пред неколку дена потпиша договор со клубот од Битола.
Јосип Периќ од Германија испрати порака до фановите на Еурофарм Пелистер:
