Ракометарите на Еурофарм Пелистер триумфално ја завршија оваа календарска година, откако во последниот меч во декемвриската програма како гости го совладаа тимот на Пролет со 23-37. Битолчани одиграа квалитетен меч во кој целосно го контролираа резултатот, освојувајќи заслужени бодови со кои остануваат во трката за првото место во Суперлигата пред почетокот на плеј-офот.
Избраниците на Раул Алонсо беа предводени од Цветан Кузмановски, Павле Атанасијевиќ и Ненад Костевски, кои го завршија мечот со по шест, односно десет погодоци.
Пелистерци ја забележаа четиринаесеттата победа сезонава, додека Пролет останува на учинок од пет триумфи, четири нерешени средби и шест порази. За суперлигашите следува зимската пауза, а возбудувањата ќе продолжат на почетокот од февруари следната година.
Ракомет
Суперлига 2024/25
16. коло
Пролет - Еурофарм Пелистер 23-37 (13-17)
Спортска сала „Македонско сонце“ - Скопје
Гледачи: 300
Судии: Ѓорѓи Начевски и Славе Николов
Пролет:
Даскаловски, Петковски, Тотиќ, Димитриевски, Глигоров 4, Василевски, Додевски 3, Шилегов, Донев 1, Андоновски 5, Баккар 2, Мајнов 3, Стојановски 4, Младеновски, Палевски 1, Спасовски
Седмерци: 1/1
Исклучувања: 8 минути
Еурофарм Пелистер:
Митревски, Ивиќ, Цехте 2, Ристевски 3, Кузманоски 6, Тајник 2, Борзаш 2, Радовојевиќ, Кузмановски 10, Костески, Абутовиќ, Пет. Атанасијевиќ 1, Пешевски 2, Хосни 3, Пав. Атанасијевиќ 6, Мамдух
Седмерци: 1/1
Исклучувања: 4 минути
Шампионатот на Македонија продолжува на 8 февруари 2025 година со дуелот на Еурофарм Пелистер против Куманово во Битола.
