Хрватските ракометари со години се задомаќинети во Битола. Добро познатиот светски бренд, како што е хрватскиот ракомет, беше репрезентиран од познати имиња како Мандалиниќ, Мараш, Божиќ Павлетиќ, Кушан, Бабиќ... Летово пристигнаа уште двајца Хрвати во нашиот тим за сезоната 2024/25. Еден од нив е 24-годишен кружен напаѓач, висок 197 сантиметри и тежок 107 килограми и доаѓа од хрватскиот прволигаш Горица. Неговото име е Кајо Цикaтиќ, игра на позицијата кружен напаѓач, поседува голем капацитет и пред него е сезона на докажување.
„Би сакал да се заблагодарам на сите членови на управата и луѓето во Битола кои ме прифатија одлично. Градот е преубав и благодарен сум на шансата да играм тука. Едвај чекам да видам полни трибини, а јас кога ќе ја добијам својата шанса ќе дадам максимум. Гледав доста натпревари на Еурофарм Пелистер во Лигата на шампионите, но и македонското првенство. Не е дека има само еден-два клубови кои се борат, туку четири-пет и ќе биде тешко да се повтори ланскиот успех.
Нема потреба да ги зборувам моите карактеристики. Ќе дадам максимум, ќе пролијам крв и пот на натпреварите и тренинзите. Својот придонес сакам да го покажам на теренот“
„Би сакал да се заблагодарам на сите членови на управата и луѓето во Битола кои ме прифатија одлично. Градот е преубав и благодарен сум на шансата да играм тука. Едвај чекам да видам полни трибини, а јас кога ќе ја добијам својата шанса ќе дадам максимум. Гледав доста натпревари на Еурофарм Пелистер во Лигата на шампионите, но и македонското првенство. Не е дека има само еден-два клубови кои се борат, туку четири-пет и ќе биде тешко да се повтори ланскиот успех.
Нема потреба да зборувам за моите карактеристики. Ќе дадам максимум, ќе пролијам крв и пот на натпреварите и тренинзите. Својот придонес сакам да го покажам на теренот“, рече младиот Хрват.
Цикaтиќ е роден во Дубровник, беше дел од Загреб и хрватските младински категории, а сега првпат ќе игра надвор од хрватските граници.
