Еурофарм Пелистер - Вардар 1961 29-25 (18-11)
Еурофарм Пелистер со 29-25 го доби денешното дерби против Вардар 1961, но пропушти шанса за поубедлива победа и сигурно прво место во групата Б на Суперлигата. Битолскиот тим водеше во текот на целиот натпревар, во текот на второто полувреме имаа предност и од девет голови разлика, но на крајот не успеаа да дојдат до посакуваниот резултат.
На две минути пред крајот Еурофарм Пелистер имаше предност од 28-21 и никој не се надеваше дека до крајот може да се случи чудо, но Вардар даде четири брзи гола, од кои последниот беше на Дарко Ѓукиќ пред звукот на сирената за крај за 29-25.
Ненад Костески и Домен Тајник постигнаа по пет гола за победникот, кај Вардар 1961 по четири погодоци запишаа Марко Срдановиќ, Милан Лазаревски и Ансер Родригез.
Еурофарм Пелистер - Вардар 1961 29-25 (18-11)
Спортска сала: „Боро Чурлевски“ - Битола
Гледаќо: 3.500
Судии: Ѓорѓи Начевски и Славе Николов
Еурофарм Пелистер:
Гедбан, Кизиќ, Цехте 4, Кузманоски 1, Тајник 5, Кисум 4, Танкоски, Радивојевиќ 2, Костески 5, Петровиќ 1, Петар Атанасијевиж, Ѓорговски, Васиљев 4, Пешевски, Сери 3, Павле Атанасијевиќ
Седмерци: 4/3
Исклучувања: 8 минути
Вардар 1961:
Томовски, Гогов, Јагуриноски 1, Стоилов, Аларов 1, Георгиевски 2, Карапалески 3, Ансер 4, Лазаревски 4, Срдановиќ 4, Николиќ 3, Ѓукиќ 3, Атанасовски, Мело
Седмерци: 6/2
Исклучувања: 6 минути
Во следното деветто коло Еурофарм Пелистер гостува во Скопје против Мулти Есенс.
