Еурофарм Пелистер - Кил 20-23 (9-11)
Македонскиот ракометен шампион Еурофарм Пелистер загуби од германскиот шампион Кил со 20-23 во мечот од третото коло во Лигата на шампиони. За разлика од првите два меча кои ги загуби убедливо, Еурофарм Пелистер одигра храбро и покажа дека не случајно е дел од елитното друштво.
Одбраната беше таа која доминираше и на двете страни, па и малиот број на голови во двете полувремиња говори за тоа. Кил го доби првиот дел до 9-11, а во второто полувреме битолчани успеаја да се вратат комплетно, па и во неколку наврати имаа напади за водство.
На 19-19, битолчани останаа со играч помалку, по што следуваше серија од 0-3 за Кил и решение на победникот на мечот. Радивојевиќ постигна пет гола, Цехте четири, додека по три погодоци постигнаа Пешевски и Петар Атанасијевиќ.
Еурофарм Пелистер - Кил 20-23 (9-11)
Спортска сала: „Боро Чурлевски“ во Битола. Гледачи: 3000
Судии: Бркиќ и Јусуфхоџиќ од Швајцарија
Еурофарм Пелистер:
Лесјак, Гедбан, Цехте 4, Кузманоски 1, Тајник 1, Кисум2, Борзаш, Танкоски 1, Радивојевиќ 5, Костески, Петровиќ 1, Петар Атанасијевиќ 2, Василев, Пешевски 3, Сери, Павле Атансијевиќ
Седмерци: 4/3
Исклучувања: 6 минути
Кил:
Беласен, Мрква, Дувњак 1, Рајнкинд, Ландин 1, Оверби 1, Винцек 2, Екберг 5, Фаус, Јохансон 1, Дамке 1, Гурбиндо 1, Валиниус 3, Билик 1, Пекелер 1, Скипаготу 5
Седмерци: 2/2
Исклучувања: 8 минути
Во следното четврто коло Еурофарм Пелистер на 12 октомври гостува во Париз против ПСЖ.
