b_640_480_16777215_00_images_vesti_2021_06_еурофарм_пелистер_-_охрид_2.jpg

Четворица ракометари на Еурофарм Пелистер заминуваат од клубот на истек од договорот. Од следната сезона во дресот на битолскиот клуб нема да ги гледаме Градимир Чаневски, Невен Стјепановиќ, Марин Вегар и Дарио Петровски. Капитенот Градимир Чаневски заминува од Битола по пет успешни сезони.

„Благодарен сум на клубот за шансата овие пет години да бидам тука. Мислам дека обострано беше задоволството - мислам дека и јас возвратив, како што тие што многу ми пружија. Сакам да се заблагодарам на публиката, ни недостигаше оваа година. Немам зборови и многу сум задоволен од прикажаното. Дадов сè од себе да се покажеме во најдобро светло.

Амбициите на клубот растат. Имаше турболентни периоди во овие години. Во еден период бевме втор клуб во Битола, се изборивме да бидеме заедно и веќе овој проект е многу сериозен. Му посакувам многу успеси на Еурофарм Пелистер во иднина. Мислам дека имавме успешна сезона, со мал пад пред осминафиналето на Европската лига и натпреварот протоив Вардар. Ни дојдоа и повредите во тој период. Цел ни беше да ја минеме групата во Европската лига, го сторивме тоа. Наидовме на посилен противник во осминафиналето и потоа заслужено испаднавме. Во СЕХА лигата сме во четвртфиналето и имаме што да кажеме таму во август. Во шампионатот одигравме еден слаб натпревар во Скопје против Вардар и тој исход го реши шампионот“, рече Чаневски.

Еурофарм Пелистер сезоната ја заврши на второто место и играше во финалето на Купот на Македонија. На меѓународна сцена ја мина групата во Лига Европа, а се квалификува и во четвртфиналето на СЕХА Гаспром лигата.

sponzori 2021

За нас

На ден 29.11.2019 во општина Битола беше потпишан договорот ,,ПЛАТФОРМА ЗА РАКОМЕТНА БИТОЛА’’, со што и официјално Битола го доби клубот РК Еурофарм Пелистер.

Договорот го потпишаа претставници на двата клуба и градоначалничката на Битола, Наташа Петровска во просториите на Општина Битола.

Еурофарм Пелистер ќе биде водечкиот клуб со високи европски амбиции, а Еурофарм Пелистер 2 клуб исполнет со млади ракометари и таленти од Битола и цела Македонија.

Прочитај повеќе

Контакт

Адреса: Ул.Добривое Радосављевиќ бр.3
Битола 7000, Република Македонија

Телефон: +38971231461

E-mail: dimitar.mitrevski@eurofarm.com.mk

icons8 facebook old 48 icons8 instagram 48 iconfinder youtube 834723