Македонскиот претставник, Еурофарм Пелистер го обезбеди четвтфиналето на СЕХА Гаспром лигата и сигурно нема да игра осминафинална фаза, во која испадна од Нексе Нашице минатата сезона. Битолчани го скршија и малерот на гостувањата и попладнево славеа во Шабац против Металопластија со 27-33 (14-16).
Тренрот Жељко Бабиќ ја апострофираше долгата клупа, иако Еурофарм Пелистер во Битола ги остави Хендави, Кушан, Петровски и Кузманоски.
„Видливо беше дека Еурофарм Пелистер има подолг ростер и поквалитетен ростер, а кај противникот можеше да се забележи дека е заморен, бидејќи пред неколку дена имаше тежок меч во српскиот шампионат. Јас сум среќен кога гледам млади играчи на паркетот, кои се желни за докажување и допрва треба да израснат во големи ракометари. Металопласитка е одличен тим, има квалитетен тренер и верувам дека во иднина успесите сами ќе дојдат“, рече Бабиќ на прес-конференцијата.
До крајот на групата А на СЕХА Гаспром лигата, Еурофарм Пелистер гостува во Словачка против Татран Прешов и на домашен терен го пречекува ППД Загреб.
