b_640_480_16777215_00_images_vesti_2021_03_Мирко_Радовиќ.jpg

Ноемвриското реми во Битола, кога екипата играше со многу ковид проблеми, остана во сеќавање на љубителите на ракометот кои се приврзаници на „зелено-белата“ боја. Возвратниот дуел во Швајцарија ќе биде шанса за реванш на пелистерци, а победа во овој случај може многу да значи за екипата на Жељко Бабиќ.

Црногорското крило Мирко Радовиќ очекува најдобро можно издание и обид да се стигне до прва гостинска победа.

„Нема калкулации од наша страна. Патуваме во Швајцарија да дадеме максимум. На првиот натпревар ремизиравме и имаме нешто да им вратиме. Во одлична форма сме, имаме пет победи во серија и сакаме хемијата да остане на ова ниво. Имаме одличен колективен дух, одиме да се бориме до последниот атом од силите, па ќе видиме дали тоа ќе биде доволно.

На првиот натпревар покажаа дека не се предаваат, играат до последната секунда. Независно колку е разликата во наша или нивна полза, не го намалуваат „гасот“ и даваат сè од себе. Ќе биде одличен натпревар и од наша и од нивна страна и се надевам дека ќе им вратиме за првиот натпревар“, смета Радовиќ.

Во зависност од исходот во Шафхаузен ќе се знае на кое место ќе заврши Еурофарм Пелистер и кој ќе биде осминафиналниот противник. Натпреварите од првата елиминациона фаза се играат на 23 и 30 март.

sponzori 2021

За нас

На ден 29.11.2019 во општина Битола беше потпишан договорот ,,ПЛАТФОРМА ЗА РАКОМЕТНА БИТОЛА’’, со што и официјално Битола го доби клубот РК Еурофарм Пелистер.

Договорот го потпишаа претставници на двата клуба и градоначалничката на Битола, Наташа Петровска во просториите на Општина Битола.

Еурофарм Пелистер ќе биде водечкиот клуб со високи европски амбиции, а Еурофарм Пелистер 2 клуб исполнет со млади ракометари и таленти од Битола и цела Македонија.

Прочитај повеќе

Контакт

Адреса: Ул.Добривое Радосављевиќ бр.3
Битола 7000, Република Македонија

Телефон: +38971231461

E-mail: dimitar.mitrevski@eurofarm.com.mk

icons8 facebook old 48 icons8 instagram 48 iconfinder youtube 834723