b_640_480_16777215_00_images_vesti_2021_02_DKP_5918.JPG

Ракометарите на Еурофарм Пелистер го совладаа Татран Прешов со убедливи 28-16 во третото коло од регионалната СЕХА лига. Избраниците на Жељко Бабиќ во ниту еден момент не му дозволија на ривалот да помисли дека може да се врати со позитивен резултат од Битола.

На прес-конференцијата натпреварот го анализираше „десната рака“ на Бабиќ, Божидар Мојсов.

„Сакам да упатам честитки за гостите за одиграната партија. Мислам дека го дадоа максимумот на овој натпревар. Знаевме дека ќе играат само со единаесет играчи во својот ростер, но тоа не значи дека нашите ракометари не одиграа добро. Играчите одговорија на сите зададени задачи и среќен сум што одиме во нагорна линија, имаме многу енергија и се надевам дека така ќе продолжиме“, изјави Божидар Мојсов.

Утре ракометарите на Еурофарм Пелистер ќе тренираат во Битола, а потоа тренерот Бабиќ ќе ги одреди патниците за Шафхаузен за последниот натпревар од групната фаза на Лига Европа. Пелистерци за Швајцарија патуваат в понеделник, а натпреварот го играат во вторник навечер.

sponzori 2021

За нас

На ден 29.11.2019 во општина Битола беше потпишан договорот ,,ПЛАТФОРМА ЗА РАКОМЕТНА БИТОЛА’’, со што и официјално Битола го доби клубот РК Еурофарм Пелистер.

Договорот го потпишаа претставници на двата клуба и градоначалничката на Битола, Наташа Петровска во просториите на Општина Битола.

Еурофарм Пелистер ќе биде водечкиот клуб со високи европски амбиции, а Еурофарм Пелистер 2 клуб исполнет со млади ракометари и таленти од Битола и цела Македонија.

Прочитај повеќе

Контакт

Адреса: Ул.Добривое Радосављевиќ бр.3
Битола 7000, Република Македонија

Телефон: +38971231461

E-mail: dimitar.mitrevski@eurofarm.com.mk

icons8 facebook old 48 icons8 instagram 48 iconfinder youtube 834723