Само две недели траеше паузата за ракометарите на Еурофарм Пелистер 2. Најмладиот учесник во плеј-офот на Суперлигата денес им се врати на работните обврски и тренерот Александар Јовиќ прозиваше во спортската сала „Јован Калаузи“ во Битола.
Пелистерци го потврдија играчкиот кадар кој го обезбеди разигрувањето, а се очекува и доведување на едно ново име, на позицијата десен бек. Тимот ќе се подготвува во Битола, а предвидени се и неколку контролни натпревари за брусење на формата пред официјалните натпревари во март. Првите два дуели се против Прилеп, следната сабота на гостински терен и за девет дена во Битола.
Распоредот на Еурофарм Пелистер 2 во плеј-офот:
1. коло: Вардар 1961 - Еурофарм Пелистер 2
2. коло: Еурофарм Пелистер 2 - Пролет
3. коло: Металург - Еурофарм Пелистер 2
4. коло: Струга - Еурофарм Пелистер 2
5. коло: Еурофарм Пелистер 2 - Охрид
6. коло: Еурофарм Пелистер - Еурофарм Пелистер 2
7. коло: Еурофарм Пелистер 2 - Бутел
8. коло: Еурофарм Пелистер 2 - Вардар 1961
9. коло: Пролет - Еурофарм Пелистер 2
10. коло: Еурофарм Пелистер 2 - Металург
11. коло: Еурофарм Пелистер 2 - Струга
12. коло: Охрид - Еурофарм Пелистер 2
13. коло: Еурофарм Пелистер 2 - Еурофарм Пелистер
14. коло: Бутел - Еурофарм Пелистер 2
Целта на оваа млада екипа е што е можно подобро репрезентирање во разигрување и ако се укаже шанса и изненадување против респектабилните противници.
