b_640_480_16777215_00_images_vesti_2021_01_Жељко_Бабиќ.jpg

Во јануари 2020 година Жељко Бабиќ пристигна во Битола, а една година подоцна со ист ентузијазам ги започна подготовките за вториот дел од сезоната 2020/21. Без три македонски репрезентативци, Вегар, Периќ и Радовиќ, битолскиот тим одработи два тренинзи во спортската сала „Јован Калаузи“ во Битола.

Тренерот е задоволен што паузата заврши и најави дека со нетрпение чека да почнат официјалните натпревари,

„Едвај чекам да почне сезоната и добро е што ќе имаме повеќе натпревари. Имаме многу играчи, широк ростер и многу ракометари кои помалку играа, па ќе добијат шанса напролет. Ќе биде тешко и психички и физички, но верувам дека сме подготвени за предизвикот. Спортски е да очекувам да освоиме барем еден трофеј на крајот на сезоната.

Планиравме да се подготвуваме во Истра, но тоа ќе го одложиме, бидејќи не можеме да играме против Нексе, а и екипите од Словенија не сакаат да дојдат во Хрватска. Ќе направиме турнеја во Словенија и Хрватска и ќе одиме во Целје да одиграме еден натпревар против Целје Пивоварна Лашко. Потоа ќе се стационираме во Загреб, каде ќе останеме 5-6 дена и ќе тестираме со ППД Загреб и Велика Горица. Така, по тие три натпревари, ќе се вратиме во Македонија и ќе одиграме уште неколку натпревари со македонските тимови, кои исто така ќе ги започнат подготовките. Планирам да одиграме шест натпревари до почетокот на февруари и натпреварот од СЕХА лигата против ППД Загреб“, заврши Бабиќ.

Скоро секојдневно во следните десетина дена ракометарите ќе тренираат двапати дневно во Битола, а првиот контролен натпревар е закажан за третата недела од месецот против Целје Пивоварна Лашко.

2sponzori dolu27112018

За нас

На ден 29.11.2019 во општина Битола беше потпишан договорот ,,ПЛАТФОРМА ЗА РАКОМЕТНА БИТОЛА’’, со што и официјално Битола го доби клубот РК Еурофарм Пелистер.

Договорот го потпишаа претставници на двата клуба и градоначалничката на Битола, Наташа Петровска во просториите на Општина Битола.

Еурофарм Пелистер ќе биде водечкиот клуб со високи европски амбиции, а Еурофарм Пелистер 2 клуб исполнет со млади ракометари и таленти од Битола и цела Македонија.

Прочитај повеќе

Контакт

Адреса: Ул.Добривое Радосављевиќ бр.3
Битола 7000, Република Македонија

Телефон: +38971231461

E-mail: dimitar.mitrevski@eurofarm.com.mk

icons8 facebook old 48 icons8 instagram 48