Пелистер - Еурофарм Работник 25-31 (9-16)
Ракометарите на Еурофарм Работник го осигураа најмалку второто место во Суперлигата, откако по трет пат го совладаа Пелистер во битолското дерби. Екипата на Алушовски пак брзо го скрши отпорот и стигна до победа од 25-31.
Со овој триумф остварена е целта зацртана пред почетокот на сезоната, а тоа е пласман во СЕХА лигата.
Најдобри стрелци кај Еурофарм беа Филип Кузмановски со седум голови, а по четири постигнаа Радовиќ, Остроушко и Ојлески. Кај Пелистер се истакна Стефан Дрогришки со четири погодоци. За Еурофарм остануваат уште средби со Вардар и Бутел, а од исходот на натпреварот во вторник меѓу Вардар и Еурофарм ќе зависи кој ќе биде новиот шампион на Македонија во ракомет.
