Ракометарите на Еурофарм Работник ќе се вклучат во третото коло на ЕХФ Купот за сеѕоната 2018/19. Според денешниот костур на ова натпреварување на ЕХФ, македонскиот претставник заедно со германските екипи Фуксе Берлин, Хановер, Кил и Магдебург, шпанските Грањолерс, Куенка и Натурхаус Ла Риоха, Холстебро, Азоти Пулави, Татабања, Балатонфуреди, Сант Рафаел, ГОГ Гудме, Малме и Нексе Нашице ќе игра почнувајќи од третото коло.
Натпреварите од третото коло ќе се играат на 17/18 ноември и 24/25 ноември. Претходно ќе бидат одиграни две кола, од кои ќе произлезе ривалот на битолскиот суперлигаш. Второто коло ќе биде одиграно на 6/7 октомври и 13/14 октомври и тогаш ќе се знае против кој ривал ќе игра третата екипа од македонската суперлига за сезоната 2017/18.
Ако успее да го мине третото коло Еурофарм Работник ќе влезе во групите на ЕХФ Купот, кои започнуваат на 9/10 февруари 2019 година.
