Алексо Лембанов, дебитираше со победа на клупата на Еурофарм Пелистер. Битолчани демонстрираа моќ против Тиквеш и извојуваа триумф со 44-23 (22-13). Со оваа победа битолчани останаа во трката за второто место, а за таа мисија да биде успешна им требаат четири победи во преостанатите четири натпревари.
Тиквеш дојде со млади сили и парираше само во првите пет минути, Потоа Тајник постигна два, а Петар Атанасијевиќ пет гола и пелистерци заминаа на +7. Иако играа без Кузмановски, Хосни и Манасков, а Митревски не доби шанса и остана на клупата, момците на Лембанов играа моќно и мотивирано и на крилата на младите сили на одмор заминаа со +9.
Во вториот дел се разигра Калајџиовски, Хакбарт постигна неколку гола, а меѓу стрелците се запишаа и Ристевски и Граховац. Финалните +19 откриваат колку е голема разликата во квалитет меѓу двете екипи. Петар Атанасијевиќ со единаесет гола кај домаќините и Томче Стојановски со седум погодоци кај гостуте беа најефикасни актери во натпреварот.
Ракомет
Суперлига
Плеј-оф - шесто коло
Еурофарм Пелистер - Тиквеш 44-23 (22-13)
Спортска сала „Боро Чурлевски“ - Битола
Гледачи: 300
Судии: Рубинчо Седлоски и Горан Ангелески
Еурофарм Пелистер:
Митревски, Брестовац, Видомски 5, Ристевски 2, Хакбарт 2, Кузманоски 5, Тајник 5, Граховац 2, Хенигман 2, Радивојевиќ 3, Абутовиќ, Калајџиовски 6, Пет. Атанасијевиќ 11, Пешевски, Пав. Атанасијевиќ 1
Седмерци: 3/2
Исклучувања: 6 минути
Тиквеш:
Панов, Печурица, Јовевски 5, Стојановски 7, Цејовиќ 2, Тодоров, Бакев, Димовски, Лазов, Ѓорѓиев, Коцев 2, Симиќ, Ангелов, Атанасовски 2, Мијушковиќ 5
Седмерци: 4/2
Исклучувања: 2 минути
Во следното седмо коло Еурофарм Пелистер гостува кај лидерот Вардар 1961.
