Ракометарите на Еурофарм Пелистер 2 со пораз го почнаа плеј-аутот. Тие во Битола загубија од Пролет со 21-23. Избраниците на Александар Зарков потфрлија, додека тимот на Доне Мајнов одигра одличен меч.
Пролет одигра поквалитетен прв дел и го доби со 11-14. Второто полувреме мина во израмнета борба, пелистерци се надминаа себеси за да се вратат, во неколку наврати дојдоа до еден гол негатива, но гостите во клучните моменти покажа и квалитет и карактер. При 20-21 на шест минути до крајот следеа два гола во низа на скопскиот суперлигаш преку Давитковски и Стоилевски, одбраната на чело со одличниот голман Трајков го заврши клучниот дел од работата и ја осигура победата.
Трајков беше најзаслужен за триумфот на Пролет со дури 17 успешни интервенции, во нападот прв стрелец беше Стоилевски со осум погодоци, пред Стојановски со седум и Палевски со четири гола. Кај Еурофарм Пелистер 2, пет погодоци постигна Бен Мафуд.
Ракомет
Суперлига 2025/26
Плеј-аут - прво коло:
Еурофарм Пелистер 2 - Пролет 21-23 (11-14)
Спортска сала „Боро Чурлевски“ - Битола
Гледачи: 100
Судии: Исмаил Металари и Ненад Николовски
Еурофарм Пелистер 2:
М. Фехми, Јовановски, Младенов, Марковски 4, Гичев, Даневски, Митревски 1, Шулевски 4, Лазаревски 1, Дамчевски, Пецаковски, Славков 1, Белистојановски 2, Дрогришки 1, Мохамед Азис Бен Мафуд 5, Одифред Баптист 2
Седмерци: 5/2
Исклучувања: 6 минути
Пролет:
Трајков, Стојановски 7, Симоновски, Глигоров, Василевски 1, Александров, Коцев, Андоновски 1, Јовиќ, Димковски, Стојчевиќ, Стоилевски 8, Дрпљанин, Палевски 4, Ѓорѓиевски, Давитковски 2
Седмерци: 7/4
Исклучувања: 8 минути
Во следното второ коло на плеј-аутот, Еурофарм Пелистер 2 на домашен терен ќе се сретне со Радовиш.
