Еурофарм Пелистер се врати на првото место во ракометниот плејоф, откако вечерва во возбудлив и интересен натпревар го доби дербито со Алкалоид Ракомет. Триумфот од 30-28 значи дека битолчани остануваат главни претенденти за највисок пласман и оваа сезона, но од друга страна, Алкалоид го претрпе и вториот пораз во третото коло од разигрувањето, што прави работите за избраниците на Кирил Лазаров да бидат доста посложени.
Младиот Алкалоид денес беше далеку поконкурентен и беше во егал ситуација во најголем дел од мечот, но на крајот пресуди искуството на домаќините, како и огромната поддршка која ја добиваа играчите во зелено од своите навивачи.
Еурофарм Пелистер победи со два разлика и останува перфектен на стартот на плејофот, па сега има вкупно девет бодови, еден повеќе од второпласираниот Вардар. Најдобар стрелец кај домашниот тим беше Филип Кузмановски со осум гола, а седум додаде Богдан Радивојевиќ. Клучна улога во победата играше голманот Филип Ивиќ кој забележа пет интервенции во клучните моменти. Кај Алкалоид, Мартин Серафимов имаше девет постигнати гола.
Ракомет
Суперлига 2025/26
Плеј-оф - трето коло
Еурофарм Пелистер - Алкалоид Ракомет 30-28 (18-15)
Спортска сала „Боро Чурлевски“ - Битола
Гледачи: 3.500
Судии: Ѓорѓи Колевски и Сашо Кркачев
Еурофарм Пелистер:
Митревски, Ивиќ, Манасков 4, Ристевски, Кузманоски 2, Тајник 1, Борзаш 1, Радивојевиќ 7, Кузмановски 8, Костески, Абутовиќ, Пешевски 2, Хосни 1, Хаџиќ 1, Пав. Атанасијевиќ 2, Мамдух 1
Седмерци: 11/8
Исклучувања: 10 минути
Алкалоид Ракомет:
Кизиќ, Галевски, Џонов 2, Маркоски 2, Младеновиќ, Серафимов 9, Карасманакис 1, Стојковиќ 3, Ѓорѓиев 3, Велковски, Ивановски 1, Бинго 1, Франциско 3, Петковски 3, Д: Митев, Савревски
Седмерци: 7/6
Исклучувања: 14 минути
Во следното четврто коло Еурофарм Пелистер гостува во Скопје кај Бутел Скопје.
