Еурофарм Пелистер не успеа да приреди изненадување во Лигата на шампионите, загуби убедливо со 39-29 од Фуксе Берлин и мечот против ПСЖ во последното коло ќе биде само формалност. Македонскиот шампион требаше да остане непоразен на тешкото гостување кај Фуксе Берлин за до последното коло да ги задржи шансите за место во следната фаза од Лигата на шампионите, но тоа не се случи.
Еурофарм Пелистер поведе со 1-0, но потоа им се случи тотална блокада, следните седум голови ги даде Фуксе и поведе со 7-1. Битолчани успеаа да намалат дел од негативата и на полувреме се замина со водство од 15-12 за германскиот тим. Во текот на второто полувреме Пелистер успеа да намали и на два разлика, но како одминуваше времето така Фуксе ја зголемуваше предноста и на крајот победи со 39-29, што беше и нивна највисока разлика.
Филип Кузмановски со седум голови беше најефикасен во составот на Пелистер, Шебиб постигна шест. Кај Фуксе Ландоф и Гидсел дадоа по девет.
Ракомет
Лига на шампионите 2024/25
A група
13. коло
Фуксе Берлин - Еурофарм Пелистер 39-29 (15-12)
Спортска сала „Макс Шнелинг Хале“ - Берлин
Гледачи: 7.000
Судии: Ларс Јорум и Хавард Клевен (Норвешка)
Фуксе Берлин:
Милосављев, Лудвиг, Гидсел 9, Лангхоф 9, Лихтлајн 5, Ав Теигум 4, Виде 3, Дарј 2, Бенеке 2, Хербургер 2, Штрлек 1, Пичири 1, Грунер 1, Прантнер, Марсениќ
Седмерци: 3/2
Исклучувања: 2 минути
Еурофарм Пелистер:
Митревски, Ивиќ, Кузмановски 7, Мамдух 6, Борзаш 4, Пав. Атанасијевиќ 3 Радивојевиќ 2, Костески 2, Ристевски 1, Кузманоски 1, Тајник 1, Пешевски 1, Хаџиќ 1, Абутовиќ, Пет. Атанасијевиќ, Хосни
Седмерци: 6/5
Исклучувања: 2 минути
Еурофарм Пелистер во последното коло го пречекува ПСЖ, но што и да се случи на тој дуел, битолчани не можат да дојдат до шестата позиција која води во нокаут фазата.
