Мотор Запорожје - Еурофарм Пелистер 30-33 (16-18)
Во рамките од четвртото коло во ЕХФ Европската лига составот на Еурофарм Пелистер со 30-33 го совлада Мотор Запорожје. Овој натпревар поради руската агресија врз Украина се играше во германскиот град Диселдорф и во кој славеше македонскиот вицешампион.
Себастијан Хенеберг блескаше во редовите на Еурофарм Пелистер со 14 голови, а четири запиша Црногорецот Мирко Радовиќ. На спротивната страна седум погодоци имаше Ихор Турченко, а пет беа дело на Дмитро Хориха.
За играчите на тренерот Ларс Валтер ова е втора победа во групата Д, во која денеска се одигра уште една средба, Скандерборг Архус дома со 38:27 убедливо славеше над Бидасоа Ирун. Фуксе Берлин го надигра Агуас Санташ со 34-20.
Во следното коло Еурофарм Пелистер на 6 декември ќе гостува во Шпанија кај Бидасоа Ирун.