Ракомет – Суперлига (19. коло)
Бутел Скопје – Еурофарм Пелистер 21-23 (15-13)
Еурофарм Пелистер наиде на исклучително тежок и жесток отпор на гостувањето кај Бутел, но и покрај се успеа да победи со 21-23, во дербито од 19. коло во Суперлигата.
Натпреварот беше како што доликува кога ќе се сретнат првиот и третиот тим на табелата, без разлика на реномето и разликите во квалитет и клупа. Бутел одигра бестрашн и долго време водеше. На крајот од првиот дел резултатот гласеше 15-13, а одличен беше Градимир Чаневски на голот на Бутел.
Домаќините предноста умешно ја држеа до 44. минута. Потоа влегоа во мини криза, па гостите ја анулираа високата предност и дојдоа до реми кое ги врати во игра. Гоце Ојлевски по долго време ги донесе гостите до водство од еден гол во 56. минута, а до крајот на мечот ракометарите на Еурофарм Пелистер успеаја да ја сочуваат ваквата минимална предност успевајќи да го скршат големиот отпор и да запишат тешка победа над Бутел.
Спортска сала – Бутел
Гледачи: 500
Судии: Ѓоко Колевски и Сашо Кркачев
Бутел Скопје:
Чаневски, Андревски, Младеновски, Стојановски, Ѓеоргиевски 2, Митев 2, Б. Спасовски, Мојсоски 5, Бо, Спасовски, Блажески, Јевтиќ 3, Василевски, Цветковски, Мајиќ 4, Тот 3, Давитковски 2
Седмерци: 3/3
Исклучувања: 14 минути
Еурофарм Пелистер:
Секељи, Кизиќ, Мараш 1, Ојлески 1, Маџовски 1, Кукуловски, Мандалиниќ 2, Танкоски 1, Периќ 7, Костески, Кукоски, Велковски, Божиќ Павлетиќ 1, Граџан 2, Обрадовиќ 2, Табоада 5
Седмерци: 5/5
Исклучувања: 6 минути
По распоредот пелистерци овој викенд треба да се сретнат со Металург, а в недела патуваат во Франција, каде во вторник попладне ќе се соочат со Ним, во дуел од седмото коло на груипната фаза на ЕХФ Лига Европа.
