b_640_480_16777215_00_images_vesti_2021_11_izzjjavahaj.jpg

По драматичниот нерешен резултат во Лисабон против Спортинг, на прес-конференцијата по натпреварот зборуваа тренерот Бабиќ и капитенот Периќ од таборот на македонскиот претставник. Искажаа задоволство од играта и резултатот и апострофираа дека не е лесно да се остане непоразен четири европски натпревари по ред.

Битолчани не загубија на ниту еден од трите гостински натпревари и со шест бода се третопласирани во групата Д на ЕХФ Лига Европа по пет кола.

Жељко Бабиќ
(тренер на Еурофарм Пелистер)

Вечерва беше многу важно да не загубиме. Задоволен сум и сакам да им се заблагодарам на ракометарите. Се бореа за секоја топка и за секоја позиција. Игравме многу важен натпревар за двете екипи. Веќе четири натпревари сме без пораз и тоа многу ни значи за нашата ментална сила.

Групата е многу израмнета и треба да бидеме подготвени на драматични натпревари до крај. Треба да бидеме храбри и интелегентни. Целта ни е да биеме меѓу четирите најдобри екипи во групата и да продолжиме со играње на елиминациони натпревари.

Јосип Периќ
(капитен на Еурофарм Пелистер)

Ова беше физички многу тежок натпревар. Спортинг Лисабон има одлична одбрана и добро се подготвивме за неа. На крајот можеше секако да заврши, па мислам дека исходот по бод за двете екипи е реален и заслужен.

За време на викендот Еурофарм Пелистер во рамките од 13. коло на Суперлигата го пречекува Тиквеш, а во вторник од 20:45 часот во спортската сала „Боро Чурлевски“ го игра последниот европски натпревар годинава, против Спортинг Лисабон.

sponzori 2021

За нас

На ден 29.11.2019 во општина Битола беше потпишан договорот ,,ПЛАТФОРМА ЗА РАКОМЕТНА БИТОЛА’’, со што и официјално Битола го доби клубот РК Еурофарм Пелистер.

Договорот го потпишаа претставници на двата клуба и градоначалничката на Битола, Наташа Петровска во просториите на Општина Битола.

Еурофарм Пелистер ќе биде водечкиот клуб со високи европски амбиции, а Еурофарм Пелистер 2 клуб исполнет со млади ракометари и таленти од Битола и цела Македонија.

Прочитај повеќе

Контакт

Адреса: Ул.Добривое Радосављевиќ бр.3
Битола 7000, Република Македонија

Телефон: +38971231461

E-mail: dimitar.mitrevski@eurofarm.com.mk

icons8 facebook old 48 icons8 instagram 48 iconfinder youtube 834723